ສັງລວມ ປະສົບການພາຍຫຼັງຮັບວັກຊີນກັນພະຍາດໂຄວິດ-19 ທີ່ໄດ້ຮັບຈາກບັນດາທ່ານທີ່ຮັບວັກຊີນຜ່ານມາ. ຂໍຂອບໃຈມາຍັງທຸກໆທ່ານ ທີ່ໄດ້ຮ່ວມມືໃນການແລກປ່ຽນປະສົບການໂຕຈິງ.
ທ່ານສາມາດບັນທຶກປະສົບການພາຍຫຼັງການຮັບວັກຊີນກັນພະຍາດໂຄວິດ-19 ຂອງທ່ານເພື່ອແລກປ່ຽນກັບຄົນອື່ນໆໄດ້ ໂດຍການກົດລີ້ງນີ້.
ເພດຍິງ, ອາຍຸ 26 ປີ, ສັກ Sinopharm
ຄົບທັງສອງເຂັມແລ້ວ, ອາການເບື້ອງຕົ້ນສັກເຂັມທີ 1 ຄືຫລັງຈາກສັກແລ້ວປະມານ 40 ນາທີ - 1ຊົ່ວໂມງ ມີອາການປວດຫົວອ່ອນໆ ຄືເຮົາຕາກແດດລະປວດຫົວທົ່ວໄປ, ມື້ທີ2 ມີອາການໂຕອຸ່ນໆ ອຸນຫະພູມປະມານ 37-37.5 ອົງສາ, ແລະ ປວດກ້າມແຂນອ້ອມບໍລິເວນສັກຢາ ປວດທຳມະດາບໍ່ໄດ້ຮຸນແຮງຫຍັງ ແລ້ວກໍມາວຽກໄດ້ປົກກະຕິ. ສັກເຂັມທີ2 ບໍ່ມີອາການຫຍັງເລີຍມີແຕ່ປວດກ້າມແຂນເບົາບາງ.
ເພດຊາຍ, ອາຍຸ 29 ປີ, ສັກ Pfizer
ຫລັງຈາກໄດ້ຮັບວັກຊີນເຂັມທີ 1 ແລ້ວຮູ້ສຶກປວດ-ຊາບໍລິເວນແຂນ ແຕ່ກົກແຂນຫາປາຍນິ້ວກ້ອຍເບື້ອງທີ່ໄດ້ສັກວັກຊີນ ອາການອື່ນຍັງບໍ່ພົບ.
ເພດຍິງ, ອາຍຸ 19 ປີ, ສັກ Sinopharm
ສັກໂດສ໌ທີ1 ບໍ່ມີອາການຫຍັງເລີຍ ບໍ່ຮູ້ສຶກປວດບໍລິເວນສັກ, ສັກໂດສ໌ທີ2 ປວດບໍລິເວນສັກຫນ້ອຍຫນື່ງ ຮູ້ສຶກຫນັກເເຂນຕ່າງຈາກເບື້ອງທີບໍ່ສັກ 2~3 ມື້ກໍເຊົາ, ດີໃຈຫລາຍທີປະເທດລາວເຮົາມີຊັກຊີນດີໆໃຫ້ສັກ.
ເພດຍິງ, ອາຍຸ 36 ປີ, ສັກ AstraZeneca
ຕອນສັກເຂັມສອງແລ້ວ ໄດ້ກິນຢາໄວ້ ເພາະປະສົບການ ເຂັມທີໜຶ່ງ ເມື່ອຍ, ເຈັບຫົວ, ປວດຂໍ້, ປວດເບົ້າຕາ ຫຼາຍ. ເຂັມສອງຈຶ່ງບໍ່ຮູ້ສຶກວ່າມີອາການຫຍັງຫຼາຍ ປົກກະຕິດີ.
ເພດຍິງ, ໄວ 30 ປີ, ສັກ Sinopharm
ສ່ວນຕົວເຮົາແມ່ນ ບໍ່ມີຜົນຂ້າງຄຽງເລີຍຕັ້ງແຕ່ເຂັມທຳອິດ. ສີດແລ້ວ 2 ເຂັມ Sinopharm. ໝູ່ບາງຄົນເມື່ອຍ ມື້ທຳອິດ.. ນອນກະເຊົາ. ອີກຄົນວິນຫົວຫຼັງສີດນອນກະເຊົາ. 70% ຄົນຮູ້ຈັກທີ່ສີດນຳກັນວ່າບໍ່ຮູ້ສຶກຫຍັງ.
ເພດຍິງ, ໄວ 30 ປີ, ສັກ Sinopharm
ສັກແລ້ວ Sinofarm ເຈັບແຂນ ປະມານ ຊໍາມົດກັດ, ອາການປົກກະຕິ, ມີແຕ່ແຂງແຮງຂື້ນ, ຈາກເປັນພູມແພ້ ກະເລີ້ມບໍ່ແພ້, ກີນແຊບ ນອນໄດ້, ຖ້າບໍ່ລັບ ແມ່ນຍ້ອນ ຂ່າວ ໂຄວິດ ສື່ໆ. ໂດຍລວມ ບໍ່ມີຜົນຂ້າງຄຽງຫຍັງເລີຍ.
ເພດຍິງ, ໄວ 30 ປີ, ສັກ Sinopharm
ສັກ Sinopharm ຄົບ 2 ໂດສ ແລ້ວ ໂດຍລວມ ບໍ່ມີອາການຫຍັງ ແຕ່ຮູ້ສຶກປວດບ່ອນທີ່ສັກຫນ້ອຍຫນຶ່ງ 2-3 ວັນ.
ເພດຍິງ, ໄວ 30 ປີ, ສັກ AstraZeneca
ຫາກໍເຂັມ#1 AstraZeneca ປວດຂ້າມແຂນໜ້ອຍໜຶ່ງພໍຮູ້ສຶກຕ່າງໆກັບແຂນອີກຂ້າງ ບໍ່ປວດແຮງ. ແຕ່ມື້ທຳອິດຄີງຮ້ອນຕອນກາງຄືນ ແຕ່ ແຕ່ ບໍ່ແນ່ໃຈວ່າຍ້ອນຢາຫຼືຍ້ອນເຫຼົ້າໝາກຂາມປ້ອມ! ໝໍຫ້າມກິນເຫຼົ້າແຕ່ວ່າງຫຼົງກິນໄປກ໋ອກໜຶ່ງ ເພາະວ່າຢາກດີໄອ ໄວໄວ(ຄິດວ່າທາງລັດ) ກໍເລີຍລືມທີ່ໝໍບອກ.
ເພດຍິງ, ໄວ 50 ປີ, ສັກ Sinopharm
ສັກຊີໂນຟາມ ມີອາການປວດແຂນເບື້ອງທີ່ສັກ (ບໍ່ເຖິງຂັ້ນເຈັບ ແຕ່ຮູ້ສຶກຖ່ວງໆໜັກໆກ່ວາເບື້ອງທີ່ບໍ່ສັກ) ປວດຫົວເລັກນ້ອຍ ເປັນແບບມິ່ງໆ ບໍ່ເຖິງຂັ້ນວິນ ຮູ້ສຶກຮ້ອນວູບໆເຫື່ອອອກ (ຢູ່ໃນຫ້ອງແອ ຍັງຮູ້ສຶກຮ້ອນ) ງ້ວງເງົາຫາວນອນຕະຫລອດ ຢາກນອນໃນມື້ທີ່1-2 (ມີພີ່ນ້ອງໄປສັກນຳກັນ 3 ຄົນກໍ່ວ່າຫາວນອນຢາກນອນຕະຫລອດ ບໍ່ຮູ້ຄົນອື່ນເປັນຄືກັນບໍ)... ມື້ທີ່ 3 ປົກກະຕິ.
ເພດຊາຍ, ໄວ 30 ປີ, ສັກ AstraZeneca
ມື້ສັກມີແຕ່ຮູ້ສືກປວດແຂນບໍລິເວນສັກ.. ມື້ທີ 2 ຍັງເຈັບບໍລິເວັນສັກ, ມີໄຂ້ອ່ອນໆ ແລະ ເຈັບຫົວຈົນໄດ້ນອນພັກ ແລະ ກິນຢາແກ້ປວດ...ມື້ທີ 3 ຍັງປວດບໍລິເວນສັກຢາ ໂດຍສະເພາະເວລາເອົາມືແຕະ, ບໍ່ມີໄຂ້ ແຕ່ຍັງເຈັບຫົວເລັກຫນ້ອຍ. ແຕ່ໂດຍລວມແລ້ວ ອາການດີຂຶ້ນຫລາຍພາຍຫລັງມື້.
ເພດຊາຍ, ໄວ 30 ປີ, ສັກ Sinopharm
ສັກຊີໂນຟາມ ເຂັມທີ່ 1. ຮູ້ສຶກປວດບໍລິເວນສັກໜ້ອຍໜຶ່ງໃນມື້ທຳອິດ. ຈາກນັ້ນກະປົກກະຕິ ບໍ່ມີອາການຫຍັງ. ສັກມາໄດ້ 20 ມື້ແລ້ວ. ລໍສັກເຂັມທີ່ 2 ຫາກສັກແລ້ວຈະແຈ້ງອາການໃຫ້ຟັງອີກ.
